बागमती सफाइमा सहभागी बनौँ

झन्डै दुई वर्षदेखि प्रत्येक हप्ता निरन्तर चलिरहेको बागमती सफाइ अभियानले यही चैत्र २८ गते शनिबारका दिन दुई सयौँ हप्ता पार गर्दै छ । सो अवसरमा विद्यालयका शिक्षक, शिक्षिका तथा विद्यार्थीलाई सहभागी भइदिनुहुन नेपाल सरकार, शिक्षा मन्त्रालय, जिल्ला शिक्षा कार्यालय, काठमाडौँले विशेष अनुरोध गरेको छ । जिल्ला शिक्षा कार्यालय, काठमाडौँको विशेष अनुरोधमा यस मोक्षदा स्कुलले पनि यही चैत्र २८ गते शनिबारका दिन बागमती सफाइ अभियानमा सहभागी हुने निर्णय गरेको छ ।

हामी काठमाडौँवासीकै कारण प्रदूषित बनेको पवित्र बागमती नदी सफा गर्नु हाम्रो सामाजिक दायित्व पनि हो । समाजमा बसिसकेपछि सामाजिक दायित्व पुरा गर्नु, आफू बसेको स्थानवरिपरि सफा राख्नु, नदीनालालाई सुरक्षित राख्नु प्रत्येक सभ्य नागरिकको धर्म हो । किताब पढेर मात्र हाम्रो ज्ञान पूर्ण हुँदैन । त्यसका लागि सामाजिक क्रियाकलापमा पनि बराबर सहभागी भइरहनुपर्ने दायित्वबाट हामी विमुख हुनु हुँदैन । त्यसैले निम्न मिति, समय र स्थानमा उपस्थित भई सो सफाइ अभियानलाई भव्यतापूर्वक सम्पन्न गर्न सघाइदिनुहुन विद्यालयका सम्पूर्ण शिक्षक, शिक्षिका, कक्षा ६ देखि १० सम्मका विद्यार्थी, भूतपूर्व विद्यार्थी, अभिभावक तथा सम्पूर्ण शुभ चिन्तक महानुभावहरूमा मोक्षदा स्कुल परिवार हार्दिक अनुरोध गर्दछ ।

मिति : २०७१, चैत्र २८ गते, शनिबार

समय : बिहान ७ बजेदेखि ९ बजेसम्म

स्थान : गौरीघाटदेखि जम्मु डाँडासम्मको क्षेत्र, विशेष गरी गुह्येश्वरी मन्दिर आसपासको क्षेत्र