एम्बिसन एकेडेमीमा मोक्षदा स्कुल प्रथम

नेपाली भाषा साहित्यका आदिकवि भानुभक्त आचार्यको २०४ औँ जन्म जयन्तीको अवसरमा मध्यबानेश्वरस्थित एम्बिसन एकेडेमीले आयोजना गरेको उपत्यकाव्यापी भानुभक्तीय रचना पाठ प्रतियोगितामा मोक्षदा स्कुलमा कक्षा ७ मा अध्ययनरत छात्रा आकृति भुजेल प्रथम भएकी छिन् । प्रथम स्थान हासिल गरेसँगै आकृतिले नगद रु. ३ हजार, प्रमाणपत्र र पुरस्कार हात पारेकी छिन् । 

उपत्यकाभित्रका २४ स्कुलका कुल ४४ छात्रछात्रको सहभागिता रहेको सो प्रतियोगितामा पाठशाला नेपालकी रोजिना हमालले द्वितीय तथा त्रिवेणी पब्लिक स्कुलका सुजन बाँस्कोटा र सैनिक आवासीय माविकी महिमा कार्कीले संयुक्त रूपमा तृतीय स्थान हासिल गरेका थिए ।

सो अवसरमा एम्बिसन एकेडेमीले साहित्यकार दाहाल यज्ञनिधिलाई नगद रु १० हजारसहितको एम्बिसन विशिष्ट साधक सम्मान प्रदान गरेको थियो । कार्यक्रममा प्रमुख अतिथि भानु प्रतिष्ठान नेपालका अध्यक्ष व्रतराज आचार्य, सम्मानित व्यक्तित्व दाहाल यज्ञनिधि, डा. रामप्रसाद ज्ञवाली, डा. देवी नेपाल, रूपक अलङ्कारलगायतका वक्ताले भानुभक्तको योगदानमाथि चर्चा गरेका थिए । 

प्रतियोगितामा प्रथम भई मोक्षदा स्कुलको गौरव बढाउन सफल छात्रा आकृति भुजेललाई मोक्षदा स्कुल परिवार हार्दिक बधाई ज्ञापन गर्दै भविष्यमा थप उच्च सफलताको शुभ कामना व्यक्त गर्दछ ।