अन्तरस्कुल नृत्यमा मोक्षदा तृतीय

नृत्यमा मोक्षदा तृतीय

प्रोग्रेसिभ एजुकेसनल फोरम (पिइएफ) स्थापनाको ११औँ वार्षिकोत्सवको अवसरमा राष्ट्रिय नाचघर, जमलमा आयोजित अन्तरस्कुल सांस्कृतिक नृत्य प्रतियोगितामा मोक्षदा स्कुलले तृतीय स्थान प्राप्त गरेको छ । 
झ्याउरे गीतमा आफ्नो नाच प्रस्तुत गरेको मोक्षदाको प्रस्तुतिलाई उपस्थित दर्शकले अत्यधिक रुचाएका थिए । सो नृत्यमा खुसी हमाल (कक्षा : ७), अनुस्मा माझी (कक्षा : ८), सुकीर्ति पराजुली (कक्षा : ८), सुवेक्षा भण्डारी (कक्षा : ८), यूथिका खनाल (कक्षा : ९), निशा तामाङ (कक्षा : ९), प्रतीक भुजेल (कक्षा : ७), अनिश कार्की (कक्षा : ९), सुदर्शन मोक्तान (कक्षा : ९), अमृत कुँवर (कक्षा : ९), भूपाल श्रेष्ठ (कक्षा : १०) र सङ्ग्राम क्षेत्री (कक्षा : १०) को सहभागिता रहेको थियो । सो नृत्यको कोरियोग्राफी कृष्ण राईले गर्नुभएको थियो । 

राष्ट्रिय गीत प्रतियोगितामा सहभागिता 
सो अवसरमा पिइएफले राष्ट्रिय गीत गायन प्रतियोगिता पनि आयोजना गरेको थियो । सो प्रतियोगितामा मोक्षदा स्कुलका तर्फबाट प्रज्ञा पौडेल (कक्षा ५), तारा लामा (कक्षा ७), दीपिका काफ्ले (कक्षा ८) र स्नेहा दास (कक्षा १०) को सहभागिता रहेको थियो । सो गायनमा भेषु थापा मगरको प्रशिक्षण रहेको थियो । 

एसइई उत्तीर्ण सम्मानित
पिइएफले २०७४ सालको एसइई परीक्षामा सहभागी भएका छात्रछात्रा र पिइएफअन्तर्गतका विद्यालयबाट प्रथम स्थान हासिल गर्न सफल छात्रछात्राका अभिभावकलाई समेत विशेष सम्मान गरेको थियो । 
सो अवसरमा ०७४ को एसइईमा पिइएफअन्तर्गतका विद्यालयमा प्रथम स्थान हासिल गर्न सफल मोक्षदा स्कुलकी छात्रा सङ्गीता रोका र अन्य छात्रछात्रा विशेष सम्मानित भएका थिए । यसका साथै, कार्यक्रममा मोक्षदा स्कुलमा दीर्घसेवा पु¥याउने शिक्षिका सरस्वती कर्माचार्य र सिस्टर गीता केसीका साथमा कक्षा १० मा विभिन्न विषय अध्यापन गर्ने शिक्षक, शिक्षिका पनि सम्मानित भएका थिए ।